Lirik Lagu Kami Tibuang Kayo Busanding - Melsia

Oleh : Lorok™

Uhang hiang bukudo putih
Siku kudo ngan mutuh tali
Sedang ku sayang bucerai kasih
Iluk ku tinggan tanah kurinci
Sedang kusayang bucerai kasih
Iluk ku tinggan tanah kurinci

Ambik lah guntung beri butali
Beri butali si dingan bigau
Ado lah untung ku bubalik agi
Idak lah itu hilang di rantau
Ado lah untung ku bubalik agi
Idak lah itu hilang di rantau

Bia tibuang jauh sibadan kami
Pado ku ngimak kayo busanding
Idak titanggung sakit nyo hati
Sapo lah agi kanti burunding

Lah pueh ku ngambik punano nyo kayo
Agi lah jugo nak ngalih kulain
Lah pueh ku ngambik punano nyo kayo
Agi lah jugo nak ngalih kulain

Numpang buladang di sungai manau
Ambik lah utan panjang simbilan
Nyampang lah nasib mati di rantau
Hujan di langit ngan mumandikan
Nyampang lah nasib mati di rantau
Hujan di langit ngan mumandikan

Elang munarap di dusun lempu
Dapat lah ikan duo buganding
Tulang muratap di dalam kubu
Ruh ku bubalik ngimak kayo busanding
Tulang muratap di dalam kubu
Ruh ku bubalik ngimak kayo busanding

Lorok™Saya hoby mengisi waktu luang dengan ngeblog. Situs saya diantaranya : loroktm.com situs dengan konten electronic dan seputaran Pacitan. bestliriklagu.com situs dengan konten kumpulan lirik lagu terbaru dan terbaik.